कृषी विकास प्रतिष्ठान संचलित दादासाहेब मोकाशी कृषि महाविद्यालय, अन्न तंत्रज्ञान महाविद्यालय, कृषि अभियांत्रिकी व तंत्रज्ञान महाविद्यालय, आयटीआय, पॉलिटेक्निक व वेस्टफिल्ड ज्युनिअर कॉलेज यांच्या संयुक्त विद्यमाने दादासाहेब मोकाशी शैक्षणिक संकुलामध्ये 76 वा प्रजासत्ताक दिन शुक्रवार दिनांक 26 जानेवारी 2025 रोजी संस्थेचे सचिव श्री अभिजित मोकाशी साहेब, यांच्या हस्ते व उपाध्यक्ष मा. डॉ. विश्वजित मोकाशी साहेब, संचालक श्री विलास चौधरी, सर्व घटक महाविद्यालयांचे प्राचार्य शिक्षक, शिक्षकेतर कर्मचारी व विद्यार्थी यांच्या उपस्थितीत संपन्न झाला.
प्रजासत्ताक दिनानिमित्त सर्व मान्यवरांचे स्वागत करून ध्वज पूजन व ध्वजारोहण केले त्याचबरोबर राष्ट्रगीत व अन्न तंत्रज्ञान महाविद्यालयातील विद्यार्थिनी यांनी झेंडा गीत गायले; प्रथम वर्ष कृषिच्या विद्यार्थ्यांनी झांज पथक व संचलन याचे संयोजन केले. कार्यक्रमाचे प्रास्ताविक व मनोगत प्रा. माने यांनी केले त्याचबरोबर सानिका आंबी, मोनिका लावंड, सिद्धी गायकवाड, दिक्षा पवार, कौस्तुभ जोशी, साक्षी कदम या विद्यार्थ्यांनी आपले मनोगत व्यक्त केले. यानंतर कार्यक्रमाचा समारोप करण्यात आला. मोकाशी कृषी विकास प्रतिष्ठानच्या शैक्षणिक संकुलामध्ये 76 वा प्रजासत्ताक दिनानिमित्त संस्थेचे सचिव श्री अभिजीत मोकाशी डॉ. विश्वजीत मोकाशी व संचालक श्री. विलास चौधरी यांनी ध्वजवंदन करून उपस्थितांना शुभेच्छा दिल्या यावेळी सर्व घटक महाविद्यालयांचे प्राचार्य ए. एस. ढाणे, डॉ. के. एस. घुटुकडे, डॉ. पी. पी. पाटील, प्रा. एस. इ. जगताप, प्रा. एस. एस. कदम, प्रा. डी. एस. सूर्यवंशी, डॉ. एस. एस. भूतकर तसेच सर्व शिक्षक, शिक्षकेतर कर्मचारी व विद्यार्थी यांनी या राष्ट्रीय उत्सवामध्ये सहभाग घेऊन ध्वजवंदन केले.
