शालेय शिक्षण व क्रीडा विभाग, क्रीडा व युवक सेवा संचालनालय महाराष्ट्र राज्य, पुणे अंतर्गत जिल्हा क्रीडा अधिकारी कार्यालय सातारा व मोकाशी कृषी विकास प्रतिष्ठान, राजमाची, कराड यांच्या संयुक्त विद्यमाने कराड तालुकास्तरीय शालेय कबड्डी स्पर्धांचे आयोजन सण २०२३-२४ या शैक्षणिक वर्षांमध्ये 25 सप्टेंबर 2023 ते 3 ऑक्टोबर 2023 या कालावधीमध्ये 14, 17 व 19 वर्षे वयोगटातील मुले व मुली यांच्या स्पर्धांचे आयोजन केले आहे. यामध्ये 25 सप्टेंबर 2023 रोजी 14 वर्षे वयोगटातील मुली यांचा तालुकास्तरीय कबड्डी सामना पार पडला यामध्ये कार्वे हायस्कूल या संघाने प्रथम पारितोषिक पटकावले तर आदर्श विद्यालय विंग या संघाने द्वितीय पारितोषिक पटकावले. पारितोषिक वितरण सोहळा मोकाशी कृषी विकास प्रतिष्ठानचे उपाध्यक्ष डॉ. विश्वजीत मोकाशी साहेब यांच्या हस्ते करण्यात आला यावेळी संस्थेचे संचालक मा. श्री विलास चौधरी सर, सर्व विद्यालयांचे क्रीडा अधिकारी, पंच व दादासाहेब मोकाशी शैक्षणिक संकुलातील सर्व घटक महाविद्यालयांचे प्राचार्य यांच्या उपस्थितीत पार पडला सर्व विद्यार्थ्यांना पुढील वाटचालीसाठी शुभेच्छा देण्यात आल्या.